۰

غزني کې ځانګړي عملیات دوام لري، ۷ وسله وال طالبان وژل شوي

چهارشنبه ۴ ثور ۱۳۹۸ ساعت ۱۱:۴۶
سیمه ییز چارواکي وايي، غزني ولایت کې د افغان ځواکونو ځانګړي ځمکني او هوايي عملیات لا هم دوام لري او طالبانو ته په کې مرګ ژوبله اوښتې ده.
غزني کې ځانګړي عملیات دوام لري، ۷ وسله وال طالبان وژل شوي
سیمه ییز چارواکي وايي، غزني ولایت کې د افغان ځواکونو ځانګړي ځمکني او هوايي عملیات لا هم دوام لري او طالبانو ته په کې مرګ ژوبله اوښتې ده.

د جمهور خبري آژانس د خبر له مخې د غزني د والي ویاند عارف نوري نن چهارشنبې د غوايي ۴ مه د یوې خبرپاڼې په خپرولو سره ویلي، چې ځانګړي عملیات له تېرو ۲۴ ساعتونو راهیسې، د غزني په مقر، اندړو او ګیلان ولسوالیو کې تر سره شوي دي.

نوموړي زیاته کړې، په دې عملیاتو کې ۷ وسله وال طالبان وژل شوي او درې نور ټپیان شوي دي، چې په وژل شویو کې د اصل الدین په نوم د اندړو لپاره د طالبانو یو استخباراتي مسوول هم شمل دی.

نوري وايي، په عملیاتو کې افغان ځواکونو او ولسي وګړو ته هېڅ ډول زیان نه دی اوښتی.

طالبانو تر اوسه په دې اړه څه نه دي ویلي.

باید و ویل شي، چې افغان ځواکونو له تېرو څو ورځو راهیسې د غزني، په ګیرو، ګیلان، اندړو، مقر، قرباغ، ناورې ولسوالیو او ځینو نورو سیمو کې پر طالبانو سخت هوایي او ځمکني ګذارونه کړي دي.

جمهورخبري آژانس:غزني
 
 
ستاسو نوم

ستاسو دبرېښنا ليک پته
ستاسو نظر *

تر ټولو ډېر لیدل شوي