کمانډو ځواکونو ننګرهار کې د نشه يي توکو د تولید لوی مرکز له منځه وړی

ملي دفاع وزارت وايي، افغان کمانډو ځواکونو په ننګرهار ولایت کې د عملیاتو پر مهال د وسله والو طالبانو د نشه يي توکو د تولید او پروسس یو لوی مرکز او فابریکه له منځه وړې ده.

د جمهور خبري آژانس د خبر له مخې د خبر له مخې دفاع وزارت د یوې خبرپاڼې په خپرولو سره ویلي، چې کمانډو ځواکونو د ننګرهار په شېرزادو ولسوالۍ کې دغه عملیات کړي او یاد مرکز یې ویجاړ کړی دی.

دفاع وزارت زیاتوي عملیات په دقیق ډول د شېرزادو ولسوالۍ د ګندمک په کلي کې شوي او ورسره شاوخوا کلیو کې طالبانو ته تلفات هم اوښتي، خو کره شمېره یې نه ده په کوته کړې.

طالبانو څه نه دي ویلي.

جمهورخبري آژانس:کابل