په تېرو دوو کلونو کې د نفاق لپاره پراخې هڅې شوې دي

د طالبانو د ډلې سیاسي مرستیال مولوي عبدالکبیر له چارواکو او د رسنیو له استازو او د سیاسي چارو یو شمېر کارپوهانو سره د روژه ماتي په مناسبت جوړو شویو مراسمو کې ویلي، په تېرو دوو کلونو کې د نفاق لپاره پراخې هڅې شوې دي.

طالبانو د دغې ډلې د سیاسي مرستیال عبدالکبیر له قوله په یوه بیان کې ویلي چې د افغانانو او اسلامي نظام پر ضد له بېلابېلو لارو منفي تبلیغات کېږي او کورنیو رسنیو ته باید ژمن وي. د ټولنې واقعیتونه منعکس کړي.

طالبانو ویلي، د افغانستان دښمنان د هېواد اوسني امنیتي، اقتصادي او سیاسي پرمختګونه نشي زغملای او له همدې امله هڅه کوي چې د خلکو ذهنیت په منفي لوري بدل کړي، چې بریالي به نه شي.

د طالبانو سیاسي مرستیال زیاته کړه، د طالبانو امارت د ملي ګټو او اسلامي احکامو په رڼا کې د رسنیو او رسنیو له فعالینو ملاتړ کوي او د سیاسي شنونکو د نظریاتو او مشورو هرکلی کوي.

مولوي عبدالکبير وويل، په تېرو دوو کلونو کې د بې اتفاقۍ له امله پراخې هڅې شوې او اوس اړتيا ده چې د بې اتفاقۍ د له منځه وړلو او د يووالي د ټينګښت لپاره کار وشي.

خبرگزاری جمهور