د افغان پوځ یوه چورلکه وردګ ولایت کې لوېدلې

 ملي دفاع وزارت تاییدوي، چې د پوځ اړوند یوه چورلکې د وردګ ولایت جغتو ولسوالۍ کې سقوط کړی دی.

د جمهورآژانس د خبر له مخې دفاع وزارت نن چهارشنبې د غبرګولي ۱۹ مه خپره کړې خبرپاڼه کې ویلي، د هوايي ځواک یوه MI 17 ډوله چورلکه تېره شپه د تخنیکي او فني ستونزو له امله سقوط شوې ده.

دفاع وزارت وايي، په خواشینۍ سره د دغې هلیکوپترې د سقوط په پایله کې د پرواز ۳ تنه عمله شهیدان شوي او یو تن بل ټپي شوی دی چې ټپي د درملنې په موخه مرکز ته انتقال شوی دی.
 
جمهورخبري آژانس:کابل