د فنلنډ د بهرنیو چارو وزارت وايي، دوی له افغانستان سره د مرستو را جلبولو لپاره نړيوال کنفرانس جوړوي.

د جمهور آژانس د خبر له مخې د فنلنډ د بهرنیو چارو وزارت زیاته کړې، چې دغه کنفرانس به د روان کال د نومبر میاشت په جینوا کې جوړ کړي.

د وزرت په وینا دوی له افغان حکومت او ملګرو ملتونو سره يو ځای له افغانستان سره له ۲۰۲۱ څخه تر ۲۰۲۴ کال پورې د مرستو جلبولو لپاره  دغه کنفرانس جوړوي.

دا په داسې حال کې ده چې پرون د جرمني پارلمان په افغانستان کې خپل ماموريت د ناټو او غوڅ ملاتړ په چوکاټ کې د ۲۰۲۱ کال د مارچ تر مياشتې تمديد کړ.

جمهورخبري آژانس:کابل