راپورونه وایي، د برازیل په شمال کې له یوه زندانه په ډلیزه توګه د زندانیانو د تښتې پر مهال ۲۴ زندانیانو ته مرګ ژوبله اوښتې ده.
د جمهور آژاژانس د خبر له مخې دغه زندانیانو د برازیل شمال ته د بلم ښار له یوه زندان څخه تېره ورځ د وري ۲۱ مه په ډلیزه توګه د دښتې لار خپله کړه، چې یوې وسله والې ډلې پر زندان برید وکړ.
ویل کېږي، د برید کوونکو له ډلې یوه تن د زندان یو دېوال د چاودېدونکو توکو په واسطه نړولی او وروسته زندانیانو په تېښته لاس پورې کړی دی.
وروسته له دې پېښې د زندان ساتونکو پر زندانیانو او وسله والو برید کړی، چې په ترڅ کې یې ۱۹ زندانیان او یو برید کوونکی وژل شوي او ۴ زندانیان ټپیان شوي دي.
تر اوسه دا نه ده معلومه، چې نور زندانیان په تېښته بریالي شوي او که څنګه.
باید و ویل شي، چې تېر کال هم د برازیل د مانائوس ښار د آمازون سیمه کې په یوه زندان کې ۶۵ تنه د شخړې پر مهال وژل شوي وو.
جمهورخبري آژانس:کابل
