امریکا د له ترهګرو د پاکستان د ملاتړ پر وړاندې یو اړخیز اقدامات وکړي

په امریکا کې د پاکستان پخواني سفیر حسن حقاني د امریکا پر نوي حکومت غږ کړی، چې له ترهګرو د پاکستان د ملاتړ پر وړاندې دې یو اړخیر اقدامات وکړي.
د جمهور آژانس د خبر له مخې حقاني دغه څرګندونې والسټریټ ژورنال ته په خپله نوې مقاله کې کړې دي او ویلي یې دي، چې پاکستان په سیمه کې د شرارت محور دی.
حسین حقاني وايي، د امریکا میلیاردونه ډالرو مرستو ونشوای کړای پاکستان د ترهګرو ډلو د مرستې له دوام راوګرځوي، له همدې امله اړتیا ده څو د امریکا نوی حکومت د لویدیځ پر وړاندې د ترهګرۍ د ګواښ او ریښو د له منځه وړلو لپاره د پاکستان پر وړاندې یو اړخیز اقدامات وکړي.
په امریکا متحده ایالتونو کې د پاکستان پخوانی سفیر حسین حقاني چې دمګړۍ په هوډسن څیړنیز انسټیټوت کې د منځنۍ او سویلي آسیا د برخې د رییس په توګه کار کوي، پاکستان د داعش ډلې د جنګیالیو د راټوکېدو او لومړنیو زده کړو مرکز بولي.
هغه په خپله نوې مقاله کې لیکلي چې د هند پر وړاندې د پاکستان د دښمنۍ دوام دغه هېواد ته جرت ورکړی چې د ترهګرو ډلو روزنې او له هغوي څخه ملاتړ ته دوام ورکړي.
نوموړي ویلي، چې اسلام آباد د امریکا په میلیاردونه ډالره مرسته شویو پیسو سره ترهګرې ډلې ورزولې او د نړۍ ګوټ ګوټ ته یې لیږلي دي.
حقاني ټینګار کوي چې د پاکستان پر وړاندې امریکا نوي سیاستونه او یو اړخیز اقدامات کولای شي په افغانستان کې هم د امریکا بریا تضمین کړي.
جمهورآژانس:کابل