هند کې د تالندې او توپان له امله ۶۵ تنه وژل شوي

رپوټونه وايي، په هند کې د سختې تالندې او توپان له امله ۶۵ تنه وژل شوي او لسګونه نور ټپیان شوي دي.
د جمهور آژانس د خبر له مخې دغه تالندې او توپان د هند شمال بیهار او اتراپردېش ایالاتونو کې راغلي دي چې په وژل شوو کسانو کې ښځې او ماشومان هم شامل دي.
ویل کېږي، په بیهار ایالت کې ۴۵ او په اتراپردېش ایالت کې بیا ۲۰ تنه وژل شوي او پر دې سربېره لسګونه کسان ټپیان شوي هم دي.
د هند په شمال کې د بیهار په ایالت کې ۴۵ تنه او د اتراپردیش په ایالت کې ۲۰ تنه د تالندې او توپان له کبله وژل شوي دي. ددغو ۶۵ څخه ۶۲ تنه د تالندې له کبله او ۳ تنه نور د دیوال لاندې شوي دي. ددې سربیره د لسګونو تنو د ټپي کیدو خبرونه هم خپاره شوي دي.
باید وویل شي، چې په هند کې د څو ورځو راهیسي ډیر سخت بارانونه پیل شوي دي.
جمهورآژانس:کابل