حامد کرزي د کابل او بدخشان بریدونه وغندل

پخواني ولسمشر حامد کرزي په کابل او بدخشان کې وروستي خونړي بریدونه چې په ترڅ کې یې لسګونه کسانو ته مرګ ژوبله واوښته په کلکو ټکو وغندل.
د جمهور آژانس د خبر له مخې تېره ورځ په کابل کې د یوه ځانمرګي برید له امله ۱۴ نیپالي وګړي و وژل شول او شاوخوا ۱۰ کسه نور ټپیان شول.
په ورته وخت کې تر دې پېښې څو ساعته وروسته د کابل د ولایتي شورا پر غړي عطا الله فیضاني چاودنه وشوه، چې له کبله یې یو کس مړ او د نوموړي په ګډون څو نور ټپیان شول.
دغه راز د بدخشان ولایت د کشم ولسوالۍ په بازار کې هم چاودنې ۱۰ تنه ولسي وګړي و وژل او تر ۴۰ زیات یې ټپیان کړل.
د پخواني ولسمشر حامد کرزي له دفتره په دې اړه خپره شوې خبرپاڼه کې ښاغلي کرزي دغه پېښې په کلکه غندلې دی.
په خبرپاڼه کې د ښاغلي کرزي له قوله ویل شوي، چې د روژې مبارکې میاشت کې د افغانانو د بدخواهانو دغه کار د ټولو اسلامي او انساني اصولو خلاف دی.
کرزيهغه د لوی خدای (ج) له درباره د دغو پېښو قربانیانو ته د جنت، کورنیو ته یې جمیل صبر او ټپيانو ته د سملاسي روغتیا غوښتنه کړې.
که څه هم د کابل د تېروې ورځې د پېښو مسؤولیت وسله والو طالبانو پر غاړه واخیست خو د بدخشان پېښه طالبانو هم غندلې او دا یې د هېواد د دښمنانو کار بللی دی.
جمهورآژانس:کابل