خیبرپښتونخوا کې ځانمرګی ډلیز برید شوی

رپوتونه وايي، د ډېورنډ فرضي کرښې پورې غاړې خیبرپښتونخوا کې پر یوه دفتر لومړی ځانمرګی او وروسته ډلیز برید شوی دی.
د جمهور آژانس د خبر له مخې دغه برید نن غرمه مهال د خیبرپښتونخوا د مردان په گنجان آباد کې د ایکسائز اینڈ ٹیکسیشن په دفتر شوی.
یوه ځايي پولیس مشر فیصل شهزاد وايي، لومړني معلومات ښي، چې لومړی ځانمرګی برید شوی او وروسته وسله وال دغه دفتر ته ننوتي او ډزې یې پیل کړې.
نوموړي زیاته کړې، چې تر اوسه په برید کې ۱۰ تنه ټپیان شوي، چې روغتون ته وړل شوي، خو په وینا يې ښايي مرګ ژوبله تر دې هم زیاته شي.
جمهورآژانس:کابل