طالبان: د دولتي کارکوونکو د معاشونو د ورکړې پروسه به نن پیل شي

د طالبانو یوه ویاند اعلان کړی چې دا ډله به نن د دولتي کارمندانو د معاشونو د ورکولو پروسه پیل کړي.

د جمهور خبري اژانس د راپور له مخې، د طالبانو ویاند ذبیح الله مجاهد د جمعې په شپه (د جدې ۱۹مه) ناوخته په خپل فیسبوک پاڼه کې لیکلي چې د جدې میاشتې د معاشونو ورکړه به نن، د شنبې په ورځ، د ډلې تر کنټرول لاندې ټولو ادارو ته پیل شي.

دی وايي، د ټولو دولتي څانګو معاشونه د منظم ساعتونو د ویش پر بنسټ تنظیم او ورکول کیږي.

د طالبانو ویاند وايي، د دوی تر کنټرول لاندې ټولو وزارتونو او څانګو معاشونه به په راتلونکو څلورو ورځو کې ورکړل شي.

د یادونې وړ ده چې د طالبانو تر کنټرول لاندې افغانستان کې مالي وضعیت دومره خراب دی چې د دولتي کارمندانو د معاشونو ورکول یو خوب ګرځیدلی او د حکومتدارۍ عادي پروسه د رسنیو موضوع ګرځیدلې ده.

جمهورخبري آژانس