طالبان: ازبک پانګوال د افغانستان د ډبرو سکرو پېرېدونکي دي

د طالبانو د صنعت او سوداګرۍ وزارت ته اعلان کړی چې ازبک پانګوال د افغانستان د ډبرو سکرو په پېرلو کې لېوالتیا لري.

د جمهور خبري اژانس د راپور له مخې، د طالبانو ډلې تر کنټرول لاندې د صنعت او سوداګرۍ وزارت د دوشنبې په سهار (د سلواغې ۳ مه) په یوه بیان کې وویل چې د دې وزارت سرپرست نورالدین عزیزي د ازبکستان دولتي او خصوصي سکتور له پلاوي سره ولیدل.

سرچنې زیاته کړې، دواړو خواوو د افغانستان او ازبکستان ترمنځ د ترجیحي سوداګرۍ تړون د پرمختګ او چمتووالي، د سمنګانو په ولایت کې د سمنټو فابریکې د اړتیا او د هغې د تاسیس پورې اړوند مسلو ته  او په هر هیواد کې د سوداګرۍ خونې تاسیس په اړه خبرې اترې وکړې.

طالبانو ویلي چې د ازبکستان پلاوي د افغانستان او ازبکستان ترمنځ د سوداګرۍ د توازن د ښه کولو په هدف د افغانستان د ډبرو سکرو واردولو ته خپله لیوالتیا او چمتووالی ښودلی دی.

د طالبانو د ډلې د صنعت او سوداګرۍ سرپرست وزیر، د هغه هیواد د خصوصي سکتور د غړو د پروګرامونو ملاتړ کوي، وړاندیز کړی چې په کال کې د دواړو هیوادونو د کورنیو محصولاتو او تولیداتو اعظمي پنځه نندارتونونه په ترمز نړیوال نندارتون کې ترسره شي.

جمهورخبري آژانس