د طالبانو ډلې د ټولګټو وزارت اعلان کړی، چې د سالنګ لویه لار یې د ترافیکو پر مخ خلاصه کړې ده.

د جمهور خبري آژانس د خبر له مخې د فواید عامې وزارت لپاره د طالبانو ډلې ویاند محمد اشرف حقاشناس نن شنبې (د لیندۍ ۱۰مه) په خپله فیسبوک پاڼه لیکلي، چې د سالنګ لویه لاره، چې د واورې ورښت له امله  بنده شوې وه او محدوده ساحه، پرون د غرمې له 12:50 بجو څخه د ترافيکو پر مخ تړل شوې وه، په 07:45 بجو، دا د دوه طرفه کوچني مسافر وړونکو موټرو لپاره پرانيستل شوه.

هغه زياته کړه: اوس چې واوره ورېدلې او هوا وچه ده، د ساتنې او مراقبت رياست کارکوونکي د لويې لارې په بېلابېلو برخو کې د ترافيکو د لارښوونې په موخه موجود دي.

وسله والو طالبانو له موټر چلوونکو وغوښتل چې په ژمنيو وسايلو سمبال له دغې لويې لارې څخه د تېرېدو پر مهال له پوره احتياط څخه کار واخلي او د سالنګونو د مسوولينو لارښوونې ته دې پام وکړي.

جمهورخبري آژانس