د کډوالو د ستونزو د پیژندلو په موخه د طالبانو او ایران تر منځ د متخصصینو د ګډې کمیټې جوړول

په تهران کې د افغانستان د سفارت سرپرست د ایران د کورنیو چارو د وزارت له سلاکار او د بهرنیو اتباعو او کډوالو د مرکز له مشر سره وکتل.

د جمهور خبري آژانس د خبر له مخې په تهران کې د افغانستان سفارت مشر مولوي فضل محمد حقاني نن سهار د افغانستان د اسلامي جمهوریت د کورنیو چارو وزارت د بهرنیو اتباعو او کډوالو په چارو کې د وزیر له سلاکار نادر یار احمدي سره وکتل.

په دغه کتنه کې دواړو لورو په کوربه هېواد کې د افغان کډوالو د قانوني حضور د تنظیم، خپل هېواد ته د کډوالو په داوطلبانه او باعزته راستنېدو او یو شمېر نورو اړوندو موضوعاتو په ګډون د افغان کډوالو پر مهمو ستونزو دوستانه او ګټورې خبرې وکړې.

د دغو خبرو په پایله کې پرېکړه وشوه چې د سفارت او د ملي چارو د مرکز تر منځ دې د متخصصینو یوه ګډه کمېټه جوړه شي تر څو د پرله پسې ناستو په ترڅ کې د کډوالو ستونزې په ګوته کړي او د لازمو تصمیمونو په موخه دې د سفارت مشرتابه او د ملي چارو مرکز مشرتابه ته راپور ورکړي.

جمهورخبري آژانس