د طالبانو د روغتیا وزیر غزني کې د یوه روغتون له جوړېدو لیدنه کړې

د طالبانو د عامې روغتیا سرپرست وزیر مولوي نورجلال جلالي د غزني د حوزوي روغتون د ودانۍ د جوړېدو څخه لیدنه وکړه.

 د جمهور آژآنس د خبر له مخې د طالبانو تر کنټرول لاندې د افغانستان د عامې روغتیا وزارت نن د لړم ۸ مه د یوې خبرپاڼې په خپرولو سره اعلان کړی چې د دغه وزارت سرپرست مولوي نور جلال جلالي د غزني د حوزوي  روغتون له نوې ودانۍ څخه لیدنه وکړه.

 طالبانو د غزني ولایت سیمه ییزو چارواکو ته امر کړی، چې د غزني د عامې روغتیا روغتون پاتې چارې چې نږدې ۹۰ سلنه بشپړې شوي، ژر تر ژره بشپړې کړي، څو خلکو ته د روغتیايي خدمتونو په وړاندې کولو کې اسانتیا رامنځته شي.

جمهورخبري آژانس