په لغمان کې ترافیکي پېښه. ۱۵ تنه مړه او ټپیان شول

په لغمان کې ځايي سرچينې وايي، چې په دغه ولايت کې د يوې ترافيکي پېښې له امله ١٥ تنو ته مرګ ژوبله اوښتې ده.

سرچينې زياته کړې، چې دغه پېښه تېره شپه د  تلې په ٢٩مه د لغمان ولايت د قرغيو ولسوالۍ په مربوطاتو کې د کابل – جلال اباد د لارې په اوږدو کې رامنځته شوې ده.

د سرچينې د معلوماتو له مخې، په دې پېښه کې چې د دوو موټرو د ټکر له امله رامنځته شوې، پنځه تنه وژل شوي او لس نور ټپيان دي.

ويل کيږي چې دغه پيښه د چلوونکو د بې احتياطۍ له امله رامنځته شوې ده.

جمهورخبري آژانس