اوچا:په افغانستان کې له ۱۳.۴ میلیونه خلکو سره مرسته وکړه

اوچا یا د ملګرو ملتونو د بشري چارو د همغږۍ دفتر وايي، دې ادارې د روان کال په لومړیو اوو میاشتو کې په افغانستان کې له ۱۳.۴ میلیونه خلکو سره مرسته کړې ده.

دغه سازمان نن سه شنبه د تلې ۲۴مه په یوه راپور کې ویلي چې دغو کسانو سږ کال لږ تر لږه یو ډول بشري مرستې ترلاسه کړي دي.

د راپور پر بنسټ، د دوی له جملې څخه ۹،۳ میلیونه کسانو د خوراکي توکو مرستې ترلاسه کړي دي، چې دا د خلکو لپاره د خوراکي توکو د مرستو اهمیت ښيي.

په داسې حال کې چې میلیونونه خلک ورته لاسرسی نه لري. راپور زیاتوي، په افغانستان کې اړمن کسان د خپلو اړتیاوو د پوره کولو لپاره د کال په اوږدو کې څو ډوله او دورې مرستو ته اړتیا لري.

اوچا وویل چې په دې موده کې 2.2 ملیون خلکو لږترلږه درې ځله سکتوري ملاتړ ترلاسه کړی. دغه سازمان یادونه وکړه چې دغه مرسته د روان کال د جولای تر ۲۸ نیټې پورې د ۷۳۹ میلیونه ډالرو د تمویل او د تیر کال له بودجې څخه د ۴۱۲،۵ میلیون ډالرو د لیږد په ترکیب کې ورکړل شوې ده.

د اوچا په وینا، که څه هم، د جولای تر میاشتې پورې، د 3.06 ملیارد ډالرو څخه 2.3 ملیارد چې هغه په ​​​​سږ کال کې له افغانستان سره د مرستې غوښتنه کړې وه نه ده ورکړل شوې.

په دغه راپور کې ویل شوي، چې د بودیجې دغه کمښت په داسې حال کې دی، چې ناڅاپه بحرانونو د افغانستان د خلکو په منځ کې زیانونه لاپسې زیات کړي دي.

راپور زیاتوي، مرستندویه ادارې به په افغانستان کې خپلو مرستو ته دوام ورکړي او د لا زیاتو مرستو په برابرولو او د څو سکتوري اړتیاوو اندازه او ماهیت باندې تمرکز وکړي.

په هرصورت، دې سازمان ویلي چې د دوی عملیاتي وړتیا د انعطاف وړ بودیجې، فعال مالي سیسټمونو، د مرستندویه کارکونکو د خوندیتوب تضمین، یو اصولي بشردوستانه غبرګون، او ډاډ ترلاسه کول چې میرمنې مرستې ته لاسرسی لري او دا چې ښځینه مرستندویه کارکونکي کولی شي په خوندي او معنی توګه برخه واخلي.

د مرستې رسول. دا په داسې حال کې ده، چې تر دې وړاندې دغه سازمان اعلان کړی و، چې سږ کال په افغانستان کې نږدې ۲۴ میلیونه وګړي بشري مرستو ته اړتیا لري.

جمهورخبري آژانس