بامیانو کې د بې وزلۍ په خپریدو سره؛ د ماشومانو کار زیات شوی دی

د ساحوي شمېرو له مخې د بامیانو په کوچني بازار کې څه باندې ۷۰ ماشومان د سپېلني په دودولو بوخت دي.

په داسې حال کې د دغو ماشومانو د شمېر له پلوه زياتې مرستندويه ادارې فعاليت کوي، په باميانو کې د ماشومانو د حقونو يو شمېر فعالانو جمهور خبري آژانس ته و ویل، د دوی ساحوي موندنې ښيي چې له ۲۰۰ ډېر ماشومان په لارو کوڅو کې د کثافاتو په ګډون په سختو او ناوړه کارونو بوخت دي چې ځینې نجونې دي.

 د ماشومانو د حقونو د دغو فعالانو په وینا، پر دې سربېره یو زیات شمېر ماشومان په مستري خانو او اهنګرۍ کې کار کوي، چې تر اوسه یې کره شمېرې نه دي راټولې شوې.

له دغو ماشومانو څخه يو يې له جمهور خبري اژانس سره په مرکه کې وويل: د پلار دنده يې ترکاڼ ده، خو زياتره وخت د شپې له خوا خالي لاس کور ته ستنېږي، له همدې امله يې کورنۍ يې د کور د لګښتونو د پوره کولو لپاره کوڅو ته لېږي.

د باميانو يو شمېر اوسېدونکو د دې پديدې د منفي پايلو په اړه خبردارى ورکوي وايي: په دې ولايت کې د کوڅه ډبو ماشومانو کار کول ډېر تاريخ نه لري، خو د طالبانو د واکمنۍ په کلونو کې دا کار ډېر شوى او ډیری ماشومان سخت کار کوي او د دې وضعیت دوام کولی شي په راتلونکي کې د ناوړه ټولنیزو پایلو لامل شي چې دا ماشومان غیرقانوني کارونو ته مخه کړي.

دا مهال په بامیانو کې دوه خصوصي سرپناه د دغو ماشومانو د ملاتړ لپاره فعاله ده او د ځینو رسنیو د هغو شمېرو له مخې چې د طالبانو د سیمه ییزو چارواکو په حواله خپاره شوي، د دغه ولایت د کار او ټولنیزو چارو له ریاست څخه لږ تر لږه ۲۰۰ ماشومان راټول شوي دي شوي خو په دې ولایت کې د ماشومانو د حقونو د فعالانو له خوا په لویه کچه کارګر ماشومان ورکول کیږي.

که څه هم په بامیانو کې تر ۷۰ زیاتې نړیوالې او کورنۍ مرستندویه موسسې فعالې دي، خو هر وخت داسې خبرونه خپریږي، چې خلک له کروندو څخه پاتې کچالو راټولولو ته مخه کوي، ترڅو خپل معدې ډکې کړي او ماشومان یې سختو کارونو ته مخه کړي.

داسې وضعیت چې د دې بنسټونو فعالیت او د بشردوستانه مرستو په ویش کې د روڼتیا چمتو کول تر پوښتنې لاندې راولي.

جمهورخبري آژانس