افغان مهاجرینو د دوحې د غونډې پر ضد د نړۍ په مختلفو ښارونو لکه ټورنټو، کاناډا، امستردام، هالنډ او د ایران په مشهد کې مظاهرې وکړې.
نن دوشنبه د سرطان په ۱۱مه، د دوحې د ناستې دویمه ورځ ده، چې د لاريونونو او اعتراضي غونډو په پيلولو سره يې ملګري ملتونه دې غونډې ته د مدني ټولنې د استازو او د ښځو د حقونو د فعالانو د نه رابللو په برخه کې په بې پروايۍ تورن کړل.
د کاناډا په ټورنټو ښار کې یو شمېر مظاهره چیانو د ملګرو ملتونو په کوربه توب د دوحې له غونډې بایکاټ وکړ او د دغه سازمان او طالبانو پر ضد یې شعارونه ورکړل.
د هالنډ په امستردام ښار کې هم افغان مهاجرینو د دوحې د دریمې ناستې د ترسره کیدو په غبرګون کې مظاهره وکړه او د طالبانو پر ضد یې شعارونه ورکړل.
دوی همدا راز د «مذاکراتو غندنه ده، وطن په وینو حمام دی»، «له طالبانو سره همکاري د بشر ضد عمل دی» او «د نړۍ سیاست په دې لاسوهنه لعنت وایم» شعارونه ورکړل.
له بلې خوا د ایران په مشهد ښار کې د افغان ښځو د احتجاجي خوځښت غړو هم په یوه احتجاجي غونډه کې د دوحې د غونډې د ترسره کېدو پر ضد احتجاج وکړ.
دوی د "کور تر کوڅې پر طالبانو لعنت وايي"، "طالبان جنایتونه کوي، نړۍ یې ملاتړ کوي" او "له ترهګرو سره خبرې حرامې دي" شعارونه هم ورکول.
په همدې حال کې نن د افغانستان په اړه د دوحې د غونډې دویمه ورځ ترسره شوه.
دا غونډه د ملګرو ملتونو په کوربه توب د یادو هېوادونو د ځانګړيو استازو او د طالبانو د استازو په ګډون جوړه شوې وه.
جمهورخبري آژانس
