په بدخشان کې عامه سرچینې وايي چې په دې ولایت کې د طالبانو سیمه ییز قوماندانان له ښوونځیو کم عمره ماشومان ټولوي او پوځي زده کړې ورکوي.

په بدخشان کې عامه سرچینې وايي چې په دې ولایت کې د طالبانو سیمه ییز قوماندانان له ښوونځیو کم عمره ماشومان ټولوي او پوځي زده کړې ورکوي.

د سرچينې د معلوماتو له مخې، د بدخشان په نسي ولسوالۍ کې د طالبانو يو سيمه ييز قوماندان جمعه خان فتح له څو ښوونځيو څخه تر ٣٠ ډېر کم عمره ماشومان راټول کړي او پوځي زده کړې يې کړې دي.

سرچينې زياته کړې، چې دغه طالب قوماندان له يوې مياشتې راهيسې په يوه ځانګړي مرکز کې د ماشومانو په پوځي روزنه بوخت و.

د سرچينې په وينا، دغو ماشومانو ته د سپکو او درنو وسلو د کارولو څرنګوالی ښوول کېږي.

ویل شوي چې که څه هم د ماشومانو کورنۍ په پوځي مرکزونو کې د خپلو ماشومانو د استخدام مخالفې دي. خو دوی ته د مولوي جمعه خان له خوا ګواښونه شوي وو.

دا په داسې حال کې ده چې په پوځي لیکو کې د ماشومانو استخدام او استخدام د ماشومانو د ساتنې لپاره د ټولو نړیوالو کنوانسیونونو خلاف کار دی.

جمهورخبري آژانس