د افغانستان لپاره د ملګرو ملتونو وجهي صندوق وايي، د سویس حکومت له افغانستان سره ۷.۲۹ میلیونه ډالره مرسته کړې ده.

دغه صندوق د دوشنبې په ورځ د غبرګولي په ۲۱مه د یوې اعلامیې په خپرولو سره ویلي چې دا درېیم ځل دی چې د سویس حکومت له افغانستان سره مرسته کوي.

په اعلاميه کې راغلي چې دغه مرسته به د افغانستان خلکو ته د ښځو د پياوړتيا، د اقليمي بدلون او د کډوالو او راستنېدونکو لپاره د دايمي حل لارو په برخو کې د خدمتونو د وړاندې کولو په برخه کې د مربوطو هڅو په پياوړتيا ولګول شي.

اعلامیه زیاتوي، چې د سویس حکومت تر دې وړاندې هم د تېر کال په جدې میاشت کې له افغانستان سره ۶،۲ میلیونه ډالره او تر هغه مخکې په جنورۍ میاشت کې ۲،۲ میلیونه ډالره مرسته کړې وه.

جمهورخبري آژانس