د ملګرو ملتونو د ماشومانو د ملاتړ صندوق یا یونیسف وايي، افغانستان کې یې د کرونا واکسین دویم پړاو پیل کړی دی.

دغه بنسټ په یوه اعلامیه کې ویلي، دغه واکسین یې د نړیوالو بنسټونو په مرسته د افغانستان په ۱۷ ولایتونو کې پیل شوی او د جون میاشتې تر ۸ مې پورې به دوام ولري.

د یونیسف په وینا په دې پړاو کې به ۲.۳ میلیون نارینه او ښځې واکسین کړل شي.
 
د یادونې ده، چې په لومړي پړاو واکسن کې هم ۲.٫ میلیونه افغانانو ته واکسین ورکړل شوی وو.
 
جمهورخبري آژانس