بر اساس جنتری رسمی تاجیکستان در ماه مارچ سال جاری در این کشور به انضمام روزهای شنبه و یک شنبه که تعطیلی هفتگی می‌باشد، 13 روز تعطیلی اعلام شده است.
بنابر گزارش فدراسیون کارگری مستقل تاجیکستان، روزهای 4، 5، 8، 11، 12، 18، 19، 21 تا 26 ماه مارچ در این کشور تعطیل رسمی اعلام شده است.
در تاجیکستان بیش از 60 عید قرار دارد که معروف ترین آنها 21 – 24 مارچ عید نوروز، 8 مارچ عید مادران، 27 جون روز وحدت ملی، 9 سپتمبر روز استقلال، عید فطر، عید قربان، روز زبان دولتی و روز قانون اساسی این کشور و اول جنوری جشن سال نو میلادی می‌باشند.
همه سال یکی از مناطق تاجیکستان به عنوان میزبان نوروز معرفی می‌شود اما با این حال در تمام شهرها و روستاهای این کشور این عید باستانی باشکوه برگزار می‌شود.
در سال جاری «تورسون زاده» 60 کیلومتری غرب شهر دوشنبه پایتخت تاجیکستان میزبان مراسم اصلی نوروز در این کشور خواهد بود.
انتظار می رود که در برنامه‌های نوروز تاجیکستان نمایندگان فرهنگی، هنرمندان، مسئولین و تجار مناطق مختلف کشورهای ازبیکستان، افغانستان و ایران شرکت کنند.
قبلا «امامعلی رحمان» رئیس جمهور تاجیکستان آرم عید باستانی و بین المللی نوروز – 2017 را تایید کرد.
