سرپرست وزارت صحت طالبان با رئیس سازمان صحی جهان دیدار کرد

مولوی نور جلال جلالی سرپرست وزارت صحت عامه گروه طالبان با داکتر تیدروس رئیس سازمان صحی جهان دیدار کرده است.
 

وزارت صحت تحت کنترل گروه طالبان بامداد امروز دوشنبه( اول اسد) در اعلامیه‌ای گفته که مولوی نورجلال جلالی سرپرست این وزارت به منظور بهبود، اصلاحات و هماهنگی خوب وزارت صحت‌عامه با سازمان‌های بین‌المللی در بخش صحت به کشور سوییس سفر کرده است.
 

طالبان گفتند که جلالی علاوه بر شرکت در نشست‌های سازمان‌های مختلف بین‌المللی با داکتر تیدروس مسوول عمومی سازمان صحی جهان، در مورد کنترل امراض ساری، محو بیماری پولیو، گسترش خدمات صحی، شفافیت و معیاری سازی خدمات صحی در افغانستان گفتگو کرده است.
 

طالبان می‌گویند که مسوولان نهادهای بین‌المللی تعهد خود را به همکاری‌های دوامدار در بخش صحت با وزارت صحت‌عامه این گروه اعلام کردند.

خبرگزاری جمهور