طالبان رییس شورای ولایتی پیشین تخار را بازداشت کردند

منابع مردمی در ولایت تخار می‌گویند که جنگجویان طالبان رییس شورای ولایتی پیشین تخار را بازداشت کرده‌اند.

به گفته منابع، ارباب روح‌الله رییس شورای ولایتی پیشین تخار روز جمعه 29 سرطان، از شهر تالقان مرکز ولایت تخار بازداشت شده‌است.

گفته شده که ارباب روح‌الله توسط جنگجویان طالبان در قول اردوی 217 عمر ولایت قندوز بازداشت و زندانی شده‌است.

ارباب روح‌الله، کاکای جنرال محمد داوود داوود است که در دوران جمهوریت کشته شد.

تا هنوز دلیل و انگیزه بازداشت ارباب روح‌الله مشخص نیست.

این در حالی است که طالبان در نزدیک به سه سال‌گذشته با وجود اعلام عفو عمومی از سوی رهبر این گروه، صدها تن از مقام‌های ملکی و نظامی حکومت پیشین را بازداشت، زندانی، شکنجه و حتی کشته‌اند.

خبرگزاری جمهور