مولوی سید حبیب الله آغا سرپرست وزارت معارف گروه طالبان به منظور شرکت در دومین نشست وزیران معارف برخی کشور‌ها عازم کازانی روسیه شد.

وزارت معارف تحت کنترل گروه طالبان امروز شنبه(19 جوزا) دراعلامیه‌ی گفته که سید حبیب الله آغا سرپرست وزارت معارف این گروه در راس یک هیات بلند رتبه،جهت اشتراک در دومین نشست بین‌المللی  وزیران معارف که قرار است در شهر « کازان» کشور روسیه برگزار گردد، عازم آن کشور شده است.

طالبان گفتند که قرار است سرپرست وزارت معارف این گروه، در مورد دستاورد‌های این وزارت و وضعیت تعلیم و تربیه در افغانستان به اشتراک کنندگان دومین نشست وزیران معارف معلومات دهند.

خبرگزاری جمهور