طالبان به شمار دیگر از مقامات حکومت پیشین کارت مصئونیت توزیع کردند

کمیسیون تماس با شخصیت‌های افغان گروه طالبان اعلام کرده که به شمار دیگر از مقامات حکومت مخلوع افغانستان کارت مصئونیت توزیع کرده است.

ارگ تحت کنترل گروه طالبان بامداد امروزسه‌شنبه(30 عقرب) گفته که به ادامه توزیع کارت‌های مصؤنیت به مقامات و اعضای حکومت پیشین، به شماری از مقامات پیشین کارت‌های مصؤنیت توزیع شدند.

مولوی ذاکر رئیس دبیرخانه کمیسیون تماس با شخصیت‌های افغان گروه طالبان گفته که هدف از توزیع کارت‌ها، دادن مصؤنیت و حفاظت از شخصیت‌های سیاسی و مقامات اداره پیشین می‌باشد.

او گفته که تا اکنون صدها تن کارت مصئونیت را به دست آورده اند و درآینده نیز به شماری از شخصیت‌ها توزیع می‌شود تا از حقوق آن مستفید شوند.

اکثر آگاهان باور دارند که گروه طالبان به هیچ اصول پابند نیستند و هدف از توزیع کارت مصئونیت به معنی شناسایی افراد به منظور انتقام‌گیری این گروه از مقامات حکومت پیشین صورت می‌گیرند.

خبرگزاری جمهور