پایگاه خبرگزاری جمهور - آخرين عناوين خبر و مطلب پشتو :: نسخه کامل http://jomhornews.com/pashtoo Tue, 22 Aug 2017 11:17:02 GMT استوديو خبر (سيستم جامع انتشار خبر و اتوماسيون هيئت تحريريه) نسخه 3.0 http://jomhornews.com/skins/default/fa/normal/ch01_newsfeed_logo.gif تهيه شده توسط پایگاه خبرگزاری جمهور http://jomhornews.com/ 100 70 fa نقل و نشر مطالب با ذکر نام پایگاه خبرگزاری جمهور آزاد است. Tue, 22 Aug 2017 11:17:02 GMT خبر و مطلب پشتو 60 د ټرامپ د نوې تګلارې په پلي کېدو سره به ترهګر وځپل شي http://jomhornews.com/doc/news/fa/97368/ د ناټو سازمان د افغانستان په اړه د امریکا د نوې ستراتېژۍ هر کلی کړی او ویلي یې دي، چې د دې تګلارې په پلي کېدو سره به افغانستان بیا د ترهګرو په ځاله بدل نه شي.د جمهور آژانس د خبر له مخې د دغه سازمان مشر ینس سټولنتبرګ ویلي، چې افغانستان ته به د امریکايي سرتېرو لېږل د ترهګرۍ په له منځه وړلو کې تر ډېره مرسته وکړي.نوموړي زیاته کړې، چې د واشنګټن د نوې ستراتېژۍ په عملي کېدو سره به افغانستان بیا د ترهګرو په ځاله بدل نه شي.باید و ویل شي، چې یاد سازمان څو میاشتې وړاندې له غړو هېوادونو غوښتي وو، چې افغانستان د ترهګرو ځپلو په موخه نور سرتیري ولېږي.دا په داسې حال کې ده، چې د یادې ستراتېژۍ تر اعلان وروسته د امریکا دفاع وزیر جیمز متیس هم ویلي، د امریکا ځينې متحد هېوادونه هم تیار دي چې په افغانستان کې د خپلو ځواکونو شمېر ډېر کړي او په دې اړه به د ناټو له مشر سره هم خبرې وشي.د استرالیا د دفاع وزیرې هم د دغه ستراتېژۍ تر اعلان وروسته ویلي، که ټرامپ افغانستان ته ترې د نورو سرتېرو د لېږلو غوښتنه وکړي، نو دوی به پرې غور وکړي.باید و ویل شي، چې د امریکا ولسمشر تېره شپه د افغانستان په اړه د امریکا نوې ستراتېژي اعلان کړه، چې په یوه برخه کې یې افغانستان ته د نور امریکايي سرتېرو د لېږلو هم ویل شوي خو د لېږونکو سرتېرو کره شمېره یې نه ده په ګوته کړې.جمهورآژانس:کابل ]]> خبر و مطلب پشتو Tue, 22 Aug 2017 10:56:25 GMT http://jomhornews.com/doc/news/fa/97368/ که ټرمپ افغانستان ته لا ډېر سرتېري وغواړي غور ورباندې کوو http://jomhornews.com/doc/news/fa/97364/ د استرالیا دفاع وزیره ماریس پین وايي، که د امریکا ولسمشر ډونالډ ټرامپ افغانستان ته لا ډېر ستېري وغواړي نو دوی به پرې غور وکړي.د جمهور آژانس د خبر له مخې مېرمن پین ویلي، استرالیا د افغانستان په ګډون د نړۍ په ډېری هېوادونو کې دترهګرۍ ضد جګړه کې مرسته کړې او خپل دغه ماموریت ته به ادامه ورکوي.د هغه په وینا د ټرمپ د هغه پرېکړې په اړه به غور وکړي، چې له مخې یې د ناټو سازمان غړي هېوادونه افغانستان ته نور سرتېري استوي.نوموړي زیاته کړې، هڅه یې دا ده، چې له امریکايي چارواکو سره په دې اړه خبرې اترې وکړي.باید و ویل شي، چې تر دې وړاندې په استرالیا کې د مالکوم ټرنبل حکومت ویلي وو، چې افغانستان ته نور سرتېري نه استوي.جمهورآژانس:کابل ]]> خبر و مطلب پشتو Tue, 22 Aug 2017 09:59:43 GMT http://jomhornews.com/doc/news/fa/97364/ هند د افغانستان په اړه د امریکا د نوې تګلارې هرکلی کړی دی http://jomhornews.com/doc/news/fa/97361/ د هندوستان د بهرنیو چارو وزارت وايي، هېواد یې د افغانستان په اړه د امریکا د نوې تګلارې هرکلی کوي او له افغانستان سره به خپلو مرستو ته دوام ورکړي.د جمهور آژانس د خبر له مخې د امریکا ولسمشر تېره شپه د افغانستان په اړه خپله تګلاره اعلان کړه، چې په یوه برخه کې یې هند د افغانستان ښه ملګری بللی و او ترې غوښتي یې و، چې د افغانستان د پرمختګ په برخه کې رغند رول ولوبوي.د هند د بهرنیو چارو وزارت د یوې خبرپاڼې په خپرولو سره ویلي، چې د ټرامپ د نوې تګلارې هرکلی کوي او د افغانستان تر څنګ ولاړ دی.د دغه وزارت ویاند رائش کومار ویلي، هند هغه پرېکړه غوښته چې ټرمپ کړې ده او په وینا یې د هند تمه همدا وه، چې امریکا په افغانستان کې له شته ګواښونو او ترهګرو سره مبارزې ته ادامه ورکړي او پر هغه هېوادونو فشار زیات کړي، چې په سیمه کې د ترهګرۍ ملاتړ کوي.که څه هم هند په دغه خبرپاڼه کې د کوم هېواد نوم نه دی اخیستی خو اشاره یې پاکستان ته ده، ځکه د امریکا ولسمشر ټرامپ په خپل بېګانۍ وینا کې و ویل، چې پاکستان په خپله خاوره کې د امریکا دښمنان ساتي، چې دغه کار یې نور د زغمولو نه دی.دغه راز د هند د بهرنیو چارو وزارت د ټرمپ د هغه خبرې هرکلی هم کړی دی، چې ویلي یې و، هند په سیمه کې د افغانستان ښه ملګری دی نو نوی ډهیلي دې له کابل سره خپلې مرستې او همکارۍ ډېرې کړي.کومار ویلي، هند د یوه ښه ملګري په توګه په سیمه کې د افغانستان د پرمختګ او بیا رغونې په برخه کې مرسته کوي او خپلو تاریخي اړیکو ته به لا پراختیا او قوت ورکړي.د هند د بهرنیو چارو وزارت زیاته کړې چې هند له ترهګرۍ سره د مبارزې په برخه کې د امریکا او افغانستان تر څنګ ولاړ دی.جمهورآژانس:کابل ]]> خبر و مطلب پشتو Tue, 22 Aug 2017 09:28:17 GMT http://jomhornews.com/doc/news/fa/97361/ د ترهګرۍ مخنیوی ښو اړیکو او ګډې همکارۍ ته اړتیا لري http://jomhornews.com/doc/news/fa/97360/ د پاکستان د بهرنیو چارو وزارت وايي، کابل او اسلام آباد دواړه د ترهګرۍ قرباني دي او د دغه پدیدې د مخنیوي له پاره دواړو هېوادونو تر منځ ښو اړیکو او ګډې همکارۍ ته اړتیا ده.د جمهور آژانس د خبر له مخې دغه څرګندونې د یاد وزارت مرستیالې تسنیم اسلم په اسلام آباد کې له افغان خبریالانو سره په ځانګړې ناسته کې کړې او ویلي یې دي، چې امنیت او له طالبانو سره سوله د افغانستان او پاکستان دواړو په ګټه.د نوموړې په وینا د ستونزو حل یوازې له پوځي لارې نه حل کېږي او هېواد یې د افغانستان په څېر له طالبانو سره سولې ته لېواله دی.هغې په خپلو خبرو کې و ویل، اسلام اباد او کابل دواړه د ترهګرۍ ښکار دي چې مخنیوی يې ښو اړیکو او ګډې همکارۍ ته اړتیا لري؛ ځکه تحریک طالبان، په پاکستان او افغان طالبان په افغانستان کې د امنیت او پرمختګ پر وړاندې خنډونه دي.نوموړې د یوې پوښتنې په ځواب کې و ویل چې افغان سوله د پاکستان په ګټه ده او دا چاره د پاکستان له ملي امنیت سره مرسته کوي، هېڅکله يې هم نه دي غوښتي چې طالبان دې سوله ونه کړي.د اسلم په وینا د سولې لپاره باید افغانان ډېره هڅه وکړي؛ ځکه چې د حزب اسلامي له مشر ګلبدین حکمتیار سره سوله او هدف ته رسېدل د مثبتو خبرو اترو یوه ښه بېلګه وه.د پاکستان د بهرنيو چارو وزارت مرستياله په داسې وخت کې دا څرګندونې کوي چې تازه امريکا د افغانستان په اړه خپله نوې کړنلاره اعلان کړې او په هغې کې يې پاکستان د ورانکارو ملاتړى هېواد بللى دى.جمهورآژانس:کابل ]]> خبر و مطلب پشتو Tue, 22 Aug 2017 08:05:58 GMT http://jomhornews.com/doc/news/fa/97360/ د افغان حکومت او طالبانو تر منځ د سولې د خبرو بشپړ ملاتړ کوو http://jomhornews.com/doc/news/fa/97358/ د امریکا د بهرنیو چارو وزیر ریکس ټېلرسن وايي، امریکا د افغان حکومت او وسله والو طالبانو تر منځ د سولې له خبرو بشپړ ملاتړ کوي.د جمهور آژانس د خبر له مخې ټېلرسن دغه څرګندونې د افغانستان په اړه د امریکا د ولسمشر ډونالډ ټرامپ د نوې ستراتېژۍ تر اعلان وروسته کړې دي.نوموړي ویلي امریکا چمتو ده، چې له کوم قید او شرط پرته د افغان حکومت او وسله والو طالبانو تر منځ د سولې له پروسې ملاتړ وکړي.د امریکا د بهرنیو چارو وزارت خبرپاڼه کې راغلي، چې ریکس ټيلرسن طالبانو ته په خطاب کې و ویل: تاسې جګړه نه شی ګټلی، نو ښه به وي چې له افغان حکومت سره د سولې خبرو ته کېنۍ.د امریکا د بهرنیو چارو وزیر نوې تګلاره ګټوره بللې ده او ټینګار یې کړی، چې په دې سره به په سیمه کې ترهګري وځپل شي.نوموړي همدا راز هند د افغانستان ښه ملګری بللی دی او په پاکستان کې یې د ترهګرو د مرکزونو پر له منځه وړلو ټینګار کړی دی.د ټيلرسن په خبره پاکستان ته په کار ده، چې تر دې وروسته ارو مرو د ترهګرو پر وړاندې جدي اقدامات وکړي او د دغو ډلو پټنځایونه پخپله خاوره کې له منځه یوسي.ټېلرسن دغه څرګندونې پر داسې مهال کوي، چې د ستراتېژۍ تر اعلان وروسته وسله والو طالبانو د یوې خبرپاڼې په خپرولو سره د امریکا د نوې ستراتېژۍ په اړه کلک غبرګون ښودلی دی.طالبانو په دې خبرپاڼه کې ویلي، چې امریکا په دې توګه نه غواړي د افغانستان جګړه پای ته ورسوي، او ټینګار یې کړی، تر څو چې یو بهرنی سرتېری په افغانستان کې موجود وي، دوی به خپلې جګړې ته ادامه ورکړي.د طالبانو په خبرپاڼه کې راغلي، چې امریکا باید حقایق درک کړي، نه دا چې دلته له خپل غروره لا هم استفاده کوي.په خبرپانه کې زیاته شوې، امریکا ته په کار ده، چې د سرتېرو پر ایستلو غور وکړي او دلته روانه خونړۍ جګړه پای ته ورسوي.جمهورآژانس:کابل ]]> خبر و مطلب پشتو Tue, 22 Aug 2017 05:53:32 GMT http://jomhornews.com/doc/news/fa/97358/ د ورستي بهرني سرتېري تر موجودیت پورې به جګړه کوو http://jomhornews.com/doc/news/fa/97357/ وسله والو طالبانو د افغانستان په اړه د امریکا د ولسمشر ډونالډ ټرامپ د نوې ستراتېژۍ په اړه غبرګون ښودلی او وایي د وروستي بهرني سرتېري تر موجودیت پورې به جګړې ته دوام ورکړي.د جمهور آژانس د خبر له مخې د امریکا ولسمشر ډونالډ ټرامپ د امریکا په وخت تېره شپه د افغانستان په اړه خپله سراتېژي اعلان کړه.هغه و ویل، چې امریکا له افغانستانه سرتېري نه باسي بلکې نور به یې هم زیات کړي، خو د زیاتونکو سرتېرو شمېره یې په ډاګه نه کړه.ټرامپ دغه راز و ویل، چې له افغانستان سره په مرسته وکړي او په پاکستان په فشار زیاته کړي، ځکه په وینا یې دغه هېواد د امریکا دښمنان ساتي.هغه ویلي«پاکستان زموږ ملګری و، قربانی یې ورکړې، چې د ستایلو دي، خو په عیني وخت کې یې زموږ دښمنان هم ساتلي چې دغه چاره یې نور موږ ته د زغم نه ده.»د ټرامپ د سراتېژۍ بل مهم ټکی دا و، چې پر هند یې غږ وکړ، چې له افغانستان سره خپلې مرستې زیاتې کړي او د دغه هېواد په پرمختګ کې رغنده رول ولوبوي.خو وسله والو طالبانو د ټرامپ د دغه ستراتېژۍ پر وړاندې کلک غبرګون ښودلی او ویلي یې دي، تر څو چې افغانستان کې یو بهرنی سرتېری موجود وي، دوی به خپلې جګړې ته دوام ورکړي.طالبانو په یوه خبرپاڼه کې ویلي، چې امریکا لا هم نه غواړي خپله اوږده جګړه دلته پای ته ورسوي.د طالبانو په خبرپاڼه کې راغلي، چې امریکا باید حقایق درک کړي، نه دا چې دلته له خپل غروره لا هم استفاده کوي.په خبرپانه کې زیاته شوې، امریکا ته په کار ده، چې د سرتېرو پر ایستلو غور وکړي او دلته روانه خونړۍ جګړه پای ته ورسوي.جمهورآژانس:کابل ]]> خبر و مطلب پشتو Tue, 22 Aug 2017 05:40:59 GMT http://jomhornews.com/doc/news/fa/97357/ د غزني ۸ ولسوالۍ له امنیتي ګواښ سره مخ دي http://jomhornews.com/doc/news/fa/97354/ د غزني والي عبدالکريم متين وايي، د دې ولایت اته ولسوالۍ د نا امنۍ له جدي ګواښ سره مخ دي، او په ځینو سیمو کې امنیتي ځواکونه ۲۴ ساعته له وسله والو سره په جګړه کې دي.د جمهور آژانس د خبر له مخې والي دغه څرګندونې تېره ورځ په یوه خبري ناسته کړې وکړې او ویې ویل، چې د امنیت د ټنګښت په موخه یې طرحه مرکزي حکومتي چارواکو ته سپارلې ده.نوموړي ومنله چې په دې وروستیو کې غزني کې د امنیتي ستونزې ډېرې شوې او یو شمېر ولسوالۍ د ناامنۍ له جدي ګواښ سره مخ دي.واغظ، اندړ، ګیرو، قره باغ، ګیلان، زنخان، خوږیاڼي او ده یک هغه ولسوالۍ دي، چې د والي په وینا امنیتي وضعیت یې ترینګلی او له ګواښ سره مخ دي.هغه زیاته کړه، چې د غزني په ځينو برخو کې امنيتي سرتېري ٢٤ ساعته په جګړه بوخت دي او وسله وال طالبانو اوس هڅه کوي چې خلک د دولت په مقابل کې راپورته کړي او هم سمتي او مذهبي نفاق ته لمن وهي.د غزني والي د دغه ولايت له اوسېدونکو غوښتنه وکړه چې د امنيت د ټينګښت په موخه له امنيتي ځواکونو سره پوره همکاري وکړي.جمهورآژانس:غزني ]]> خبر و مطلب پشتو Tue, 22 Aug 2017 04:51:20 GMT http://jomhornews.com/doc/news/fa/97354/ اروپايي ټولنې له افغان حکومت سره ۱۰۰ميلیونه یورو مرسته کوي http://jomhornews.com/doc/news/fa/97353/ اروپايي ټولنه په افغانستان کې د کليدي اصلاحاتو، اقتصادي پرمختګ او کارموندنې د ملاتړ لپاره سل ميليونه يورو مرسته منظوره کړې ده.د جمهور آژانس د خبر له مخې د دې ټولنې نه خپره شوې خبرپانه کې راغلي، چې اروپايي ټولنې ياده پرېکړه د تېرو ١٢ مياشتو په اوږدو کې د اصلاحاتو له مثبتې ارزونې وروسته نن وکړه.سرچینه وايي، دغه مرسته د افغانستان د ملاتړ لپاره د اصلاحاتو په ترسره کولو کې د پراختيايي پاليسۍ د ښه والي، د اقتصادي پايښت د ساتنې، د عامه مالي مديريت ښه پرمخ وړلو او د دولتي شفافې بوديجې د پياوړي کولو په موخه منظوره شوې ده.يادې پيسې د دولت جوړونې د هوکړه ليک (SBC) يوه برخه ده چې د ٢٠١٦ کال د اکتوبر مياشتې په څلورمه د بروکسل کنفرانس په اوږدو کې له افغانستان سره لاسليک شو.سرچينه زياتوي، له افغانستان سره د اروپايي ټولنې د دغې مالي مرستې موخه اقتصادي وده، د کار موندنه او د خدمتونو تضمين دى.په خبرپاڼه کې د افغانستان د ماليې وزير اکليل حکيمي له خولې راغلي دي چې د يادې مرستې منظوري په دې معنا ده چې افغانستان په مهمو برخو، لکه عامه پاليسي، لوى اقتصادي، مالي مديريت، څارنه او د بوديجې روڼوالي کې ښه پرمختګ کړى دى.جمهورآژانس:کابل ]]> خبر و مطلب پشتو Tue, 22 Aug 2017 04:40:31 GMT http://jomhornews.com/doc/news/fa/97353/ له افغانستان سره مرسته کوو، پر پاکستان فشار ډېرو ځکه دغه هېواد ترهګر ساتي http://jomhornews.com/doc/news/fa/97351/ د امریکا ولسمشر ډونالډ ټرامپ د افغانستان په اړه خپله ستراتېژي اعلان کړه او ویې ویل، چې د دغه ستراتېژۍ له مخې به د افغانستان سره خپلې مرستې زیاتې او پر پاکستان به فشار راوړي، ځکه دغه هېواد ترهګرې ډلې ساتي.د جمهور آژانس د خبر له مخې ټرامپ تر ټولو مخکې د خپلو سرتېرو د قربانیو یادونه وکړه او د متحده ایالتونو پر یووالي یې ټینګار وکړ.د هغه په خبره په پیل کې تصمیم دا وو چې سرتېري له افغانستانه وباسي، خو پ کله چې په کمپ ډیویډ کې له خپل ټیم سره کښېناست تصمیم پر دې شو، چې نور سرتېري باید افغانستان ته ولېږي، خو د دغه سرتېرو کره شمېره یې په ګوته نه کړه.نوموړي زیاته کړه، چې له افغانستان د چټکې را وتنې عواقب د وړاندوینې وړ او د نه زغملو دي، ځکه چټک را وتل به هلته خلا را منځته کړي او دا خلکه به ژر هغه خلک ډکه کړي، چې ۱۶ کاله وړاندې و.ولسمشر ټرامپ و ویل« د افغانستان او سیمې څخه سرچینه اخیستونکي امنیتي ګواښونه ډېر جدي او ستر دي، په دې سیمه کې د ترهګرو سازمانونو تر ټولو ستره تجمع را ټوله شوې او پاکستان ترهګرو ته پناځایونه ورکوي، موږ ټول پوهېږو چې دا حالت موږ ته په میراث پاتې دی خو زه پوهېدم چې دا ستونزې بالآخره حل غواړي او موږ پوهېږو چې موږ به بریالي وځو.»ټرامپ په نوې ستراتېژۍ کې د اساسي تغیراتو په اړه زیاته کړه« اساسي تغیرات به لاندې وي، مهالېني لیدلوري به مشروط حالت ته ځو،د تعداد او وخت په اړه به نه غږېږو، د تقسیم اوقات په اړه به نه غږېږو. دښمنان باید زموږ پر پلان پوه نشي. دوهمه دا چې ټول اړخونه باید په یوه ستراتېژي کې په ګډه کار وکړي. درېیم دا چې، امریکا به خپل ملاتړ ته له افغانستان او اردو سره دوام ورکړي، وروستۍ فیصله د افغانستان په خلکو پورې اړه لري چې خپل ځان اداره کړي او د سولې په اړه تصمیم ونیسي، موږ ملت جوړونه نه کوو، له دې سره مو کار نشته چې څنګه یې اداره کوي.»په ورته وخت کې د امریکا ولسمشر ډونالډ ټرامپ د پاکستان په اړه هم څرګندونې وکړې او ویې ویل، چې د دغه هېواد په اړه د امریکا تګلاره بدلېږي.د امریکا ولسمشر و ویل« موږ نور د پاکستان لوبه نشو زغملای، پاکستان خپله هم تاواني دی، په تېر کې پاکستان زموږ ملاتړی پاتې شوی، د پاکستان خلکو قرباني ورکړې، موږ پرې اعتراف کوو، خو په عین وخت کې پاکستان بیا هم زموږ دښمنان ساتلي او پاللي دي چې هره ورځ موږ وژني او موږ بیا هم ملیاردونه ډالر ورکړي دي. دا حالت باید بدل شي، هېڅ هېواد باید دا چانس ونه لري چې زموږ وژونکي او قاتلان وساتي.»ښاغلي ټرامپ د هند په اړه هم خبرې وکړې او و یې ویل، چې هند په سیمه کې د افغانستان نږدې ملګری دی او دغه هېواد ته په کار ده، چې له افغانستان سره خپلې اقتصادي او سوداګریزې مرستې ډېرې کړي او د دغه هېواد په پرمختګ کې خپله ونډه واخلی.هغه و ویل« د ستراتېژۍ بله برخه دا ده چې زموږ ستراتېژيکه ملتیا به له هندوستان سره وغځېږي، موږ په افغانستان کې د هندوستان له مثبت رول څخه ملاتړ کوو خو تر دې مهمه له هند سره زموږ سوداګري او ګډې ګټې دي. موږ له هندوستان سره د سیمې په کچه د سولې او ثبات ګډ اهداف تعقیبوو.»د امریکا ولسمشرد خپلو خبرو په پای کې خپلو پوځیانو ته په خطاب کې و ویل چې اداره به یې ټول هغه څه ورته برابر کړي، چې دغه ستراتېژي پرې بریا ته ورسېږي.نوموړي و ویل، چې د ده په اداره کې به ملیاردونه اضافي ډالر پر پوځ ولګول شي او د میزایلو د دفاع سیسټم به غښتلی شي.جمهورآژانس:کابل ]]> خبر و مطلب پشتو Tue, 22 Aug 2017 04:30:06 GMT http://jomhornews.com/doc/news/fa/97351/ هلمند کې د هوايي بریدونو په ترڅ کې ۴۰ وسله وال وژل شوي http://jomhornews.com/doc/news/fa/97342/ سیمه ییز امنیتي چارواکي وايي، په هلمند ولایت کې د هوايي بریدونو پر مهال د دو قوماندانانو په ګډون ۵۳ وسله والو طالبانو ته مرګ ژوبله اوښتې ده.د جمهور آژانس د خبر له مخې امنیتي چارواکي زیاتوي، چې د افغان او قاطع ماموریت الوتکو تېره شپه د هلمند د ناوې ولسوالۍ په جوریزان سیمه کې د طالبانو په یوه ستر مرکز بریدونه وکړل.د هلمند د پوليسو ویاند لمړي څارن عبدالسلام افغان، وايي، وسله والو طالبانو غوښتل د ناوې ولسوالۍ پر مرکز بریدونه تنظیم کړي، چې د افغان او بهرنیو ځواکونو د الوتکو له خوا په نښه شول.نوموړي زیاته کړه، په دغه بریدونو کې چې تر سهار پورې یې دوام درلود، د دوه قوماندانانو په ګډون ۴۰ وسله وال طالبان وژل شوي او ۱۳ نور ټبیان شوي دي.خو وسله والو طالبانو تر اوسه په دې اړه څه نه دي ویلي.جمهورآژانس:کابل ]]> خبر و مطلب پشتو Mon, 21 Aug 2017 11:01:09 GMT http://jomhornews.com/doc/news/fa/97342/