د طالبانو د بهرنیو چارو سرپرست وزیر، چې دوحې ته سفر کړی و، د قطر د بهرنیو چارو له وزیر سره ولیدل او د دوه اړخیزو اړیکو د پیاوړتیا په اړه یې خبرې وکړې.

د جمهور اژانس د راپور له مخې، د طالبانو د بهرنیو چارو وزارت مرستیال ویاند حافظ ضیا احمد د دوشنبې په ورځ (د غوايي ۷ مه) په خپل ایکس پاڼه کې لیکلي چې د وزارت سرپرست مولوي امیر خان متقي په دوحه کې د قطر له لومړي وزیر او بهرنیو چارو وزیر شیخ محمد بن عبدالرحمن الثاني سره ولیدل.

په دې کتنه کې، دواړو خواوو د طالبانو او قطر ترمنځ د دوه اړخیزو اړیکو، د ډیپلوماتیکو اړیکو د پیاوړتیا او ځینو سیمه ییزو مسلو په اړه خبرې وکړې. د قطر لومړي وزیر او د بهرنیو چارو وزیر د طالبانو سره د خپل هیواد اړیکې نږدې او ورورګلوۍ وبللې، او د سیمې له هیوادونو سره یې د دې ډلې د اړیکو له پراختیا څخه رضایت څرګند کړ.

متقي د قطر د دې ډلې سره د اړیکو په پراختیا کې د رول ستاینه وکړه او زیاته یې کړه چې د دواړو هیوادونو ترمنځ د ډیپلوماتیکو اړیکو د کچې په لوړولو سره به دوه اړخیزې اړیکې نورې هم پیاوړې شي.

د طالبانو د بهرنیو چارو سرپرست وزیر وړاندیز کړی چې قطر دې په افغانستان کې د پراختیا او سوداګرۍ په فرصتونو کې پانګونه وکړي.

جمهورخبري آژانس