طالبانو له قطر سره د همکارۍ د پراخولو هیله څرګنده کړه

د طالبانو ډلې د کورنیو چارو وزارت لومړي مرستیال د قطر د سفارت له شارژدافیر سره وکتل او له دوحې څخه یې د دې ډلې سره د لا زیاتې همکارۍ غوښتنه وکړه.

د جمهور اژانس د راپور له مخې، د طالبانو د کورنیو چارو وزارت نن (سه شنبه، د غوايي ۲مه) یوه اعلامیه خپره کړه چې پکې ویل شوي چې د وزارت لومړي مرستیال مولوي محمد نبي عمري په کابل کې د قطر سفارت شارژدافیر ډاکټر مردیف القشوتي سره ولیدل.

دواړو خواوو د افغانستان او قطر ترمنځ د دوه اړخیزو اړیکو، په سیمه کې د امنیتي وضعیت او همدارنګه د ګډې همکارۍ د پراختیا په اړه خبرې وکړې.

ولوي محمد نبي عمري د قطر حکومت څخه په بېلابېلو برخو کې د افغانانو سره د همکارۍ له امله مننه وکړه او هیله یې څرګنده کړه چې دا همکاري به نوره هم پراخه شي.

القشوتي د افغانستان د ثبات او امنیت لپاره د خپل هیواد پر ملاتړ ټینګار وکړ او زیاته یې کړه چې قطر چمتو دی چې له افغان لوري سره په نورو اړوندو برخو کې همکاري وکړي.

جمهورخبري آژانس