د کونړ ولایت په خاص کونړ ولسوالۍ کې ۳۷۴ راستنېدونکو کورنیو ته د یوه ښارګوټي جوړولو چارې پیل شوې.

د جمهور آژانس د خبر له مخې د طالبانو د ریاست‌الوزرا اداري مرستیال، مولوي عبدالسلام حنفي، چې د همدې موخې لپاره یاد ولایت ته سفر کړی و، وویل، چې دغه ښارګوټی به ښوونځی، پارک، سړکونه، برېښنا، پاکې اوبه او نورې اړینې اسانتیاوې ولري.

د اطلاعاتو او کلتور سرپرست وزیر خیرالله خیرخوا په ګاونډیو هېوادونو کې له مېشتوا فغانانو غوښتي، چې خپل هېواد ته راستانه شي او په خبره یې سرپرست حکومت د دوی په خدمت کې دی.

د مخابراتو او معلوماتي تکنالوژۍ سرپرست وزیر نجیب الله حیات حقاني په ګاونډیو هېوادونوکې دافغانانو سره ناسم چلند غندلی دی.

جمهورخبري آژانس