په لغمان کې تېرکال د ۳۱ ښوونځیو ودانۍ بیا رغول شوې

د لغمان ولایت د پوهنې ریاست مسوولینو خبر ورکړی، چې تېرکال د دغه ولایت په مرکز او ولسوالیو کې د سرپرست حکومت او موسسو په مالي ملاتړ ۳۱ ښونځي بیا رغول شوي دي.

د جمهور خبري آژانس د خبر له مخې د یاد ولایت د پوهنې رئیس مولوي شاه ساجد له رسنیو سره په مرکه کې ویلي، چې په تېر ۱۴۰۳ کال کې یې ۲۶ ښوونځي د طالبانو د حکومت او ۵ نور د موسسو په مالي ملاتړ د ۱۵ میلیونه ۴۴۲ زره افغانیو په لګښت بیا رغولي دي.

نوموړي زیاته کړې، چې د ښوونځیو بیا رغولو او سرپناه جوړولو په موخه یې ګړندۍ هلې ځلې پیل کړې دي او په روان کال کې به د ۱۵ نورو ښوونځیو بیا رغونه هم وشي.

جمهورخبري آژانس