د امریکا ولسمشر ډونالډ ټرمپ وايي، امریکا د کابل په هوايي ډګر کې د ځانمرګي برید عامل نیولی دی.

د جمهور اژانس د راپور له مخې، د امریکا ولسمشر ډونالډ ټرمپ نن سهار، چهارشنبه (د کب ۱۵مه) د امریکا کانګرس ته په خپله وینا کې وویل  درې نیم کاله وړاندې داعش د کابل په هوايي ډګر کې ۱۳ امریکايي سرتیري او سلګونه نور ووژل. موږ د کابل هوايي ډګر د چاودنې مسؤل کس ونیولو.

هغه د پاکستان له حکومت څخه د بریدګر په نیولو کې د مرستې له امله مننه وکړه، چې هغه یې یو شیطان وباله.

ټرمپ دا هم وویل چې د روسیې ولسمشر ولادیمیر پوتین، چې له افغانستان څخه د امریکا د وتلو ننداره کوي، دا د ځان لپاره د یو فرصت په توګه ګوري.

جمهورخبري آژانس