د افغانستان لپاره د پاکستان پخوانی ځانګړی استازی وايي چې طالبان د ډیورنډ کرښې څخه د یو انچ هم د تېرېدو جرئت نه لري.
د جمهور خبري اژانس د راپور له مخې، د پاکستان پخواني ځانګړي استازي اصف دراني د یکشنبې په شپه د آمو ټلویزیون سره په یوه مرکه کې وویل چې د طالبانو ډلې، د رسنیو کې د دوی د څرګندونو برعکس، هیڅکله پاکستاني چارواکو ته نه دي ویلي چې دوی د ډیورنډ کرښه نه پیژني.
هغه زیاته کړه: "ډیورنډ یوه نړیواله پیژندل شوې پوله ده او طالبان د هغې څخه د یو انچ هم د تیریدو جرئت نه کوي."
دراني وايي چې د ډیورنډ پولې مسله د پاکستان لپاره ننګونه نه ده، بلکې دا مسله حل شوې ده، او که چیرې د طالبانو ډله ټي ټي پي (پاکستاني طالبان) پاکستان ته وسپاري، نو له دې ډلې سره به نوره کومه ستونزه نه وي.
د یادونې وړ ده چې د طالبانو ځینو چارواکو مخکې ویلي وو چې دوی د ډیورنډ کرښه د رسمي پولې په توګه نه پیژني.
جمهورخبري آژانس
