په افغانستان کې د پاکستان پخواني استازي اصف دراني په هسپانیه کې د هرات په امنیتي کنفرانس کې وویل چې طالبان په افغانستان کې یو دایمي واقعیت نه دی.

د جمهور خبري اژانس د راپور له مخې، آصف دراني د دوشنبې په ورځ (د کب ۶ مه) په هسپانیه کې د هرات په ۱۲م امنیتي کنفرانس کې وویل چې طالبان له خبرو اترو  او د موجوده ننګونو په اړه انکار کوي، په شمول د تحریک طالبان پاکستان (TTP) سره د دوی د اړیکې.

دراني وايي چې که څه هم د پښتونولي اصول د قاتلانو ملاتړ نه توجیه کوي، طالبان د تحریک طالبان پاکستان د غړو اسلام آباد ته د سپارلو څخه د انکار لپاره د پښتونولي ناوړه ګټه پورته کوي.

دا پخوانی پاکستانی چارواکی وايي چې کله له طالبانو سره د افغانستان د وضعیت په اړه خبرې کېږي، دوی ادعا کوي چې هېواد اوس مهال په سوله کې دی، خو کله چې له دوی څخه د افغان کډوالو د منلو غوښتنه کېږي، نو دوی ځواب ورکوي چې له جدي ننګونو سره مخ دي.

هغه زیاته کړه چې د طالبانو له خوا له خبرو اترو څخه تېښته د پاکستان او د دوی ترمنځ اړیکې ترینګلې کړې دي، خو سره له دې، د دواړو هېوادونو ترمنځ سوداګریزې تبادلې دوام لري.

جمهورخبري آژانس