د طالبانو اقتصادي پلاوی جاپان ته لاړ

د طالبانو د اقتصاد وزارت تخنیکي مرستیال اعلان کړی چې هغه د دې ډلې د اقتصادي پلاوي په مشرۍ جاپان ته سفر کړی دی.

د جمهور خبري اژانس د راپور له مخې، د طالبانو د اقتصاد وزارت تخنیکي مرستیال عبداللطیف نظري نن یکشنبه سهار (د سلواغې ۲۷ مه) په خپل فیسبوک پاڼه کې لیکلي چې موږ جاپان ته روان یو.

نوموړي لیکلي «موږ د یو پیاوړي، متحد، پرمختللي، سوکاله، پرمختللي افغانستان او د نړیوالې ټولنې د فعال غړي په توګه له نړۍ سره د درناوي وړ اړیکې غواړو. »