په تالقان ښار کې د طالبانو د احصایې او معلوماتو په دفتر کې چاودنه شوې

عامه سرچینو د تالقان ښار کې د طالبانو د احصایې او معلوماتو په څانګه کې د چاودنې خبر ورکړی دی.

د جمهور خبري اژانس د راپور له مخې، د تخار ولایت سیمه ییزو سرچینو نن سهار، د شنبې په ورځ، د سلواغې ۲۷، رسنیو ته وویل چې د ولایت په مرکز تالقان ښار کې د طالبانو د احصایې او معلوماتو په ریاست کې چاودنه وشوه.

سرچینو وویل: دا پیښه تلفات لري او تر اوسه پورې د دې پیښې د دقیقو احصایو په اړه جزئیات شتون نه لري.

د طالبانو ډلې تر اوسه په دې اړه څه نه دي ویلي. د یادونې وړ ده چې پرون د سمنګان ولایت د زندان په یوه جومات کې د چاودنې له امله څلور کسان ټپیان شول.

طالبانو ویلي چې دا پېښه د عبادت کوونکو په منځ کې د لاسي بم د غورځولو له امله رامنځته شوې ده.

جمهورخبري آژانس