د طالبانو د کډوالو او راستنیدونکو چارو وزارت اعلان کړی چې ۶۳ افغان کډوال له پاکستاني زندانونو څخه خوشې شوي او افغانستان ته راستانه شوي دي.

د جمهور خبري اژانس د راپور له مخې، د طالبانو ډلې تر کنټرول لاندې د هیواد د کډوالو او راستنیدونکو چارو وزارت نن پنجشنبه (د سلواغې ۲۵ مه) په یوه بیان کې وویل چې په پاکستان کې ۶۳ افغان کډوال له بند څخه خوشې شوي دي.

د طالبانو ډلې ویلي چې د افغان کډوالو څلور کورنۍ چې ۱۵ کسان پکې شامل دي، د ۴۸ نورو بندیانو سره یوځای  په انفرادي ډول د پاکستان له توقیف څخه خوشې او هیواد ته راستانه شوي دي.

د ننګرهار ولایت د تورخم سرحدي ریاستونو او د کندهار ولایت د سپین بولدک سرحدي ریاستونو د معلوماتو له مخې، یاد شوي کورنۍ او اشخاص د پاکستان له بیلابیلو ښارونو څخه د قانوني اسنادو د نه لرلو له امله نیول شوي وو او د بشري مرستو ترلاسه کولو وروسته د دوی اصلي ځایونو ته د لیږدولو دمخه د 2 څخه تر 6 ورځو پورې ساتل شوي وو.

جمهورخبري آژانس