د نورستان ولایت په کامدېش ولسوالۍ کې د ۱۰ میلیونه افغانیو په لګښت یوه روغتيايي مرکز ته د ودانۍ جوړولو چارې پیل شوې دي.

د جمهور آژانس د خبر له مخې د کامدېش ولسوالۍ مسوولین وايي، دغه مرکز به د لابراتوار خونه، نوکریوالۍ خونه، پخلنځی، احاطوي دېوال او نورې اړیني برخې ولري.

مسوولین وايي، یاد روغتیايي مرکز به د کامدېش ولسوالۍ اوسېدونکو او امنیتي ځواکونو ته د روغتیایي خدمتونو په برخه کې اسانتیاوې برابرې کړي.

جمهورخبري آژانس