طالبان: د نړۍ له هېوادونو سره سوداګریزې اړیکې پراخې شوې دي

د طالبانو اقتصادي سلاکار ملا عبدالغني برادر ادعا کوي چې د نړۍ له نورو هېوادونو سره د افغانستان سوداګریزې اړیکې پراخې شوې دي.

د جمهور خبري اژانس د راپور له مخې، د طالبانو د اقتصادي مرستیال دفتر مطبوعاتي دفتر نن، د شنبې په ورځ، د مرغومي ۲۹ مه، یوه مطبوعاتي اعلامیه خپره کړه، چې پکې ویل شوي چې د اقتصادي مرستیال ملا عبدالغني برادر په خوست ولایت کې د مظهرالعلوم نیازي پوهنتون د فارغانو د فراغت په مراسمو کې خبرې وکړې.

ملا برادر وویل چې په افغانستان کې د فرضي مقدس جهاد کیسه په ریښتینې بڼه په ښوونځیو کې راڅرګنده شوه. له ښوونځیو څخه، دا کیسه کلیو او ښارونو ته لیږدول شوې او په یوه مقدس او دوامداره مبارزه بدله شوه چې لویو کافرو لښکرو ته یې ماته ورکړه.

طالبانو ویلي چې له نېکه مرغه په ​​ملي کچه د اقتصادي ودې لپاره مهمې پروژې او کار روان دی، د نړۍ له نورو هیوادونو سره سوداګریزې اړیکې پراخې شوې، د کورنیو تولیداتو لپاره مناسب بازارونه موندل شوي او د اقتصادي ودې لپاره په مهمو پلانونو او ستراتیژیو کار روان دی.

جمهورخبري آژانس