کونړ کې د ۴۱ میلیونه افغانیو په لګښت ګران بیه ډبرې وپلورل شوې

د کونړ ولایت ځایي مسوولین وایي، چې د دې ولایت یوه اندازه ګران بیه ډبرې( بیروج) د بولۍ له لارې د ۴۱.۳ میلیونه افغانیو په ارزښت پلورل شوې دي.

د جمهور خبري آژانس د خبر له مخې د کانونو او پټرولیم وزارت د پلان او پالیسۍ مرستیال وویل چې د سوداګرو ستونزې به له لوړ پوړو چارواکو سره شریکې کړي او ډېر ژر به د دغو ډبرو د قانوني صادراتو اسانتیاوې هم برابرې کړي.

نوموړي ټینګار وکړ، چې سرپرست حکومت د سوداګرو د ملاتړ او اقتصادي پرمختګ لپاره ژمن دی او د ستونزو د حل په برخه کې به اړینې هڅې ترسره کړي.

جمهورخبري آژانس