په هیواد کې د ښځو د حقونو یو شمیر فعالینو، د بشري حقونو، په ځانګړي توګه د ښځو د حقونو د سرغړونې په پام کې نیولو سره، د دې قضیې د څېړلو او د طالبانو په وړاندې د محکمې ته د وړاندې کولو غوښتنه وکړه.

د جمهور آژانس د خبر له مخې دغه فعالانو په یوه بیان کې وویل چې دوی هره ورځ د طالبانو لخوا د ښځو په وړاندې د نویو فرمانونو او محدودیتونو شاهدان دي، او دا چې "جنسي توپیر" په افغانستان کې په بې ساري سرعت سره پلي کیږي.

د ښځو د حقونو دغه فعالانې په نړیواله ټولنه غږ کوي چې په رسمي ډول په هیواد کې د جنسیت تبعیض د انسانیت پر وړاندې د جرم په توګه وپیژني.

دغو ښځو د هاګ له محکمې څخه غوښتنه کړې چې د طالبانو د بشریت پر ضد جرمونه ژر تر ژره وڅېړي او د دې بشري حقونو سرغړونکې ډلې مشران محاکمه کړي.

جمهورخبري آژآنس