د ۵۳ شیعه استادانو له شړلو وروسته؛ د بامیان پوهنتون د استادانو له کمښت سره مخ دی

طالبانو د بامیان پوهنتون څخه لږ تر لږه ۵۳ شیعه استادان ایستلي دي.

د بامیان ولایت سرچینو جمهور خبري اژانس ته ویلي: د بامیان پوهنتون د شرعیاتو او ښوونې او روزنې پوهنځی د استادانو له کمښت سره مخ دی، او طالبانو د تیرو دوو دورو لپاره د لیسانس سند لرونکي قراردادي استادان استخدام کړي وو.

په دې وروستیو کې، د دې ولایت پوهنتون ادارې د اقتصاد، انګلیسي ادبیاتو، احصایې او طبیعي سرچینو په پوهنځيو کې د څلورو استادانو پوستونه اعلان کړل.

طالبانو واک ته له رسیدو وروسته د بامیان پوهنتون لږ تر لږه ۵۳ شیعه استادان له دندو ګوښه کړل، چې ۱۴ ډاکټران او ۳۴ ماسټران پکې شامل وو.

جمهورخبري آژانس