د جمهوري ریاست د ملي امنیت رئیس وايي چې موږ د جمهوري ریاست په دوره کې د طالبانو د ډلې میرمنې نه دي نیولي.
د جمهور آژآنس د خبر له مخې د جمهوري ریاست د ملي امنیت رئیس احمد ضیا سراج په خپله یوه پاڼه کې لیکلي، چې د طالبانو ډله له کوم څرګند یا شخصي جرم پرته ښځې بندیانې کوي او په دې توګه ملت ته د هغوی اصلي څېره په ډاګه کوي.
سراج لیکلي چې د طالبانو د پخواني مشر ملا اختر محمد منصور یوه مېرمن د جمهوري ریاست پر مهال په کابل کې پېژندل شوې وه، خو افغاني ارزښتونو او دودونو ته د درناوي له امله د خپل مېړه په جرم نه ده نیول شوې.
سراج وايي چې حتی افغاني وجدان او ارزښتونه هم طالبان د ښځو له نیولو نه منع کوي.
د يادونې وړ ده، چې طالبانو تېره اونۍ د ولسمشرۍ د ګارد (پي پي ايس) د يوه پخواني غړي مېرمن له دې امله نيولې وه، چې د مېړه يې ځان وژنه کړې وه.
جمهورخبري آژآنس