د طالبانو ډلې د اوبو او انرژۍ وزارت اعلان کړی چې د هرات ولایت د پاشدان بند کار ۸۰ سلنه پرمختګ کړی دی.

د جمهور آژآنس د خبر له مخې د طالبانو ډلې د اوبو او انرژۍ وزارت نن (د لندۍ ۴مه) یوه اعلامیه خپره کړې او ویلي یې دي چې د هرات ولایت د پاشدان بند چې د اوبو او انرژۍ وزارت یوه له سترو پروژو څخه ده اوس په مختلفو برخو کې کار روان دی.

طالبانو ویلي چې د دغه بند کار ۸۰ سلنه پرمختګ کړی او پاتې چارې به یې هم ډېر ژر بشپړې او ګټې اخیستنې ته وسپارل شي.

طالبانو ویلي چې د دغه بند په بشپړیدو سره به ۵۴ میلیونه متر مکعب اوبه زیرمه شي، دوه میګاواټه بریښنا به تولید شي او ۱۳ زره جریبه کرنیزه ځمکه به خړوبه شي.

جمهورخبري آژانس