طالب ډله: ټولنه دیني عالمانو او د پوهنتونونو فارغانو ته اړتیا لري

د طالبانو د ډلې سیاسي مرستیال مولوي عبدالکبیر په غزني ولایت کې د دغې ډلې د ۲۰۳ منصوري قول اردو له دریمې پلي لوا سره په کتنه کې وویل، ټولنه د دیني عالمانو او د پوهنتونونو فارغانو ته اړتیا لري.

د جمهور خبري آژانس د خبر له مخې د طالبانو تر ولکې لاندې قرارګاه د پنجشنبې په ورځ (د لیندۍ اوله) د یوې اعلامیې په خپرولو سره ویلي، چې د دغې ډلې سیاسي مرستیال مولوي عبدالکبیر د منصوري ۲۰۳ تندر قول اردو له دریمې پلي لوا څخه لیدنه کړې ده.

مولوي عبدالکبير وويل، چې د اردو په ليکو کې سرتېرو د هېواد د پولو د ساتنې او د خلکو د امنيت د تامين په برخو کې د قدر وړ دندې ترسره کړي او سرتېري بايد د دندو تر څنګ تقوا ته هم پوره پاملرنه وکړي.

نوموړي ویلي، په هېواد کې د ښوونيزو او علمي مرکزونو پر ودې ټينګار وکړ او ويې ويل، ټولنه د ديني عالمانو او د پوهنتونونو فارغانو ته اړتيا لري.

نوموړي د ښوونځيو او ښوونځيو ګډه همکاري د زده کوونکو د پرمختګ لپاره د پوهنې په برخه کې اغېزمنه وبلله او زياته يې کړه، چې د ښوونځيو زده کوونکو ته د ديني زده کړو ترڅنګ د مهارتونو زده کړه هم يوه اړتيا ده.

جمهورخبري آژانس