طالبانو د پوهنې وزارت اعلان کړی، چې په جوزجان ولایت کې یې یو نوی ښوونځی پرانیستی دی.
د جمهور آژآنس د خبر له مخې د پوهنې وزارت، چې د طالبانو تر ولکې لاندې دی، د پنجشنبې په ورځ (د لیندۍ اوله) په یوه خبرپاڼه کې ویلي، چې د شبرغان ښار په څنډه کې د جنرال عبدالحکیم لېسې د ترمیم چارې چې ۶ درسي او دوه اداري خونې لري د ۳ میلیونه او ۱۵۰ زره افغانیو په لګښت د محمد قیس ارغندیوال خیریه بنسټ او د سیمې خلکو په مالي مرسته جوړیږي.
د جوزجان ولايت دپوهنې رييس مولوي سيد حفيظ الله معتصم بليح وويل چې ددغې ودانۍ په جوړيدو سره ددغه ښوونځي زده کوونکي د درسي ټولګيو دکمښت له ستونزو سره مخامخ وو .
د دې لېسې يو شمېر زده کوونکو او استادانو د ښوونځي له نوې ودانۍ څخه خوښي څرګنده کړه.
جمهورخبري آژانس
