د هېواد د بېلابېلو ولايتونو ديني عالمانو د نجونو د ښوونځيو د بيا پرانستلو غوښتنه وکړه

د هېواد د بېلابېلو ولايتونو يو شمېر علماوو او مخورو د طالبانو د ډلې له اداري مرستيال مولوي عبدالسلام حنفي سره وکتل او د نجونو د ښوونځيو د بيا پرانستلو غوښتنه يې وکړه.

د طالبانو د ډلې تر کنټرول لاندې کلا د شنبې په ورځ (د لړم ۱۲) د یوې اعلامیې په خپرولو سره ویلي چې د دغې ډلې اداري مرستیال مولوي عبدالسلام حنفي د هېواد د بېلابېلو ولایتونو له یو شمېر علماوو، سیمه ییزو طالب چارواکو او مخورو سره وکتل.

ې. د هېواد د بېلابېلو ولايتونو ديني عالمانو او مخورو د ښوونځيو، روغتيا، ترانسپورت او پراختيايي چارو په برخو کې د طالبانو د پاملرنې غوښتنه وکړه او د نجونو د ښوونځيو د بيا پرانستلو غوښتنه يې وکړه.

مولوي عبدالسلام حنفي وويل چې د طالبانو امارت د امنيت د تامين، خلکو ته د خدمتونو د وړاندې کولو او د ژوند د ښه شرايطو د برابرولو ژمن دى.

د یادولو وړ ده چې طالبانو ډلې ته د افغانستان په تسلیمولو سره دغې ډلې د اسلام د سپیڅلي احکامو خلاف د هیواد د نجونو د تعلیم دروازې وتړلې.

جمهورخبري آژآنس