د طالبانو د ډلې د اوبو او انرژۍ وزارت چارواکو د پاور چین شرکت له مسوولینو سره وکتل.
د طالبانو د ډلې د اوبو او انرژۍ وزارت وايي چې د «پاور چائنا» شرکت مسوولینو د دغه وزارت له سرپرست ملا عبداللطیف منصور سره په کتنه کې ویلي چې د باغ درې د برېښنا بند د جوړولو لپاره یې لازم تدابیر نیولي دي.
د طالبانو تر کنټرول لاندې د دغه وزارت د معلوماتو له مخې، عبداللطیف منصور چین ته د خپل سفر په ترڅ کې د "پاور چین" شرکت له مشر سره د باغ درې د برېښنا بند د پروژې د عملي کار د ژر پیل په اړه خبرې کړې دي.
د يادونې وړ ده، چې د کاپيسا ولايت د باغدرې د برېښنا بند په جوړولو کې د "پاور چائنا" شرکت له پانګونې وروسته دې شرکت ته د کار اجازه ورکړل شوه.
دا په داسې حال کې ده چې په افغانستان کې د طالبانو له واکمنۍ وروسته په هېواد کې ډېری پروژې نیمګړې پاتې دي او د افغانستان اقتصادي وضعیت کړکېچن بلل کېږي.
جمهورخبري آژانس
