ویل کیږي چې زیاتره هغه توغندي چې اسرائیلو د جنګي جټ الوتکو په واسطه د اوږده واټن ویشتونکي سیسټم په وسیله توغولي وو، ایران ته له رسیدو مخکې د عراق او د فارس خلیج په اسمانونو کې له منځه تللي او پاتې نور توغندي د برید کوونکو ښارونو په اسمانونو کې له منځه تللي دي.

له درې اونیو ګواښونو وروسته اسرائیلو نن سهار او په نیمه شپه کې پر ایران د توغندیو او بې پیلوټه الوتکو بریدونه پیل کړل.

ایران د رسمي خبري آژانس د خبر له مخې د صهیونیسټي پوځ ویاند ادعا کړې چې دوی په ایران کې پر پوځي اهدافو بریدونه کړي دي.

ویل کېږي چې د تهران په لوېدیځ او جنوب لوېدیځ کې پوځي اډې د اسرائیلي رژیم د برید هدف وې، خو په خپرو شویو انځورونو کې پر ځمکه له دوو څخه تر درېیو کمزورو توپونو لیدل کېږي.

یوې باخبرې سرچینې اعلان کړی، چې د تهران او خوزستان په ګډون د ایران د هوايي دفاع ځواکونو په بریدونو کې بریالي شوي دي.

د تهران د هوای دفاع سازمان اعلان وکړ: هوایی دفاع د صهیونیسټی رژیم د هغو هڅو په ځواب کې چې د تهران او د دغه هیواد په مختلفو سیمو کې د دغه هیواد په ځینو سیمو د حملو لپاره ترسره کیږی.

دغه سازمان زیاته کړه: صهیونیسټ رژیم د تهران، خوزستان او ایلام په ولایتونو کې په پوځی مرکزونو حملې وکړې چې د مدغم هوایی دفاعی سیسټم په وسیله په بریالیتوب سره په شا وتمبول شو او ځینو ته یې لږ تاوانونه ورسیدل.

NBC د یوه اسراییلي چارواکي له قوله ویلي، چې د اسراییلو پوځ د ایران پر اټومي تاسیساتو یا د تېلو پر ساحو برید نه دی کړی او یوازې پر پوځي اهدافو یې تمرکز کړی دی.

په تهران کښې د المیادین خبریال خبر ورکړ چې د صهیونیسټ رژیم محدود پوځی تیری له ناکامۍ سره مخ شوی او د ایران هوایی دفاع په بریالیتوب سره دغه حمله په شا وتمبوله.

المیادین شبکې د باخبرو سرچینو په حواله خبر ورکړی، چې د ایران هوايي دفاع د تهران په ختیځ کې د اسرائیلو هغه بې پیلوټه الوتکې ویشتلې، چې غوښتل یې د تهران په ختیځ کې پوځي اډې په نښه کړي.

 سرچینو همدارنګه وویل چې د تهران په ولایت کې د دفاعی اډو په نښه کولو لپاره د صهیونیسټ رژیم هڅه ناکامه شوې ده.

تسنیم ته ځینو سرچینو ویلي، لومړني اټکلونه ښيي چې په تهران، خوزستان او ایلام کې د صهیونیسټ رژیم نن شپه اقدامات کمزوري دي.

په همدې حال کې نیویارک ټایمز د اسراییلي چارواکو په حواله ویلي چې پر ایران د رژیم برید پای ته رسېدلی دی.

د اسراییلو د برید په پای ته رسیدو سره هغه څه ثابت شول چې د ایران د دفاع په برخه کې بریالی فعالیت وو.

ویل کیږي چې زیاتره هغه توغندي چې اسرائیلو د جنګي جټ الوتکو په واسطه د اوږده واټن ویشتونکي سیسټم په وسیله توغولي وو، ایران ته له رسیدو مخکې د عراق او د فارس خلیج په اسمانونو کې له منځه تللي او پاتې نور توغندي د برید کوونکو ښارونو په اسمانونو کې له منځه تللي دي.

تر دې دمه د ځمکې پر سطحه د شاوخوا درې توغندیو یا بې پیلوټه الوتکو د لګېدو خبر ورکړل شوی دی. د ایران پوځي او دفاعي چارواکو تر اوسه د دغه برید او د ایران د احتمالي غبرګون په اړه رسمي نظر نه دی څرګند کړی.

جمهور خبري آژانس